श्री सावळसिद्ध सोसायटीच्या अध्यक्षपदी बंडू पाटील व उपाध्यक्षपदी विनायक पवार
तासगांव ; प्रतिनिधी
सावळज (ता.तासगाव) येथील श्री सावळसिद्ध विकास सोसायटी, लि.सावळज या संस्थेच्या अध्यक्षपदी बंडू महालिंग पाटील व उपाध्यक्षपदी विनायक तानाजी पवार यांची बिनविरोध निवड झाली. निवडणूक अधिकारी म्हणून वर्षा पाटील सहकार अधिकारी, तासगाव यांनी कामकाज पाहिले.
श्री सावळसिद्ध विकास सोसायटीच्या अध्यक्ष शिवाजी पाटील व उपाध्यक्ष इंदुताई पोळ यांनी मुदत संपताच राजीनामा दिल्याने नवीन निवडी करता संचालक मंडळाची बैठक बोलावली होती. या बैठकीत नव्या निवडी करण्यात आल्या.अध्यक्षपदी बंडू महालिंग पाटील व उपाध्यक्षपदी विनायक तानाजी पवार यांची बिनविरोध निवड झाली. सध्या संस्थेचे शतकपूर्ती निमित्ताने शताब्दी महोत्सव सुरू आहे. संस्थेचे संस्थापक रामगोंडा पाटील यांचे नातू शिवाजी पाटील यांना शताब्दी महोत्सवात अध्यक्ष होण्याचा मान संस्थेने दिला होता. संस्थेच्या इतिहासतील पहिली महिला उपाध्यक्ष होण्याचा मान मावळत्या उपाध्यक्ष इंदुताई जगन्नाथ पोळ यांना मिळाला होता. पदाधिकाऱ्यांच्या निवडीचा ज्येष्ठ सभासदांच्या हस्ते सत्कार करण्यात आला. सध्या संस्थेचा शताब्दी महोत्सव सुरू असल्याने संस्थेचा यापुढेही नावलौकिक कायम राहावा अशी अपेक्षा सर्वांनी व्यक्त केली.
यावेळी पॅनल प्रमुख ऋषिकेश बिरणे, मावळते अध्यक्ष शिवाजी पाटील मावळते उपाध्यक्षा इंदुताई पोळ , संचालक प्रदीप माळी,संदीप माळी, प्रशांत कुलकर्णी, विजय पाटील, ,बाळासो निकम, राजेंद्र सावळजकर, बाळासाहेब थोरात, दत्ता पाटील विनेश पोळ, शिवाजी बुधवले, तसेच मोठ्या संख्येने सभासद शेतकरी उपस्थित होते.
